Adi! WEBGUNEAK cookie fitxategi propioak eta hirugarrenenak erabiltzen ditu.

Cookie fitxategiak (aurrerantzean “COOKIEAK”) ERABILTZAILEAREN ekipamendu informatikoan gordetzen diren informazio fitxategi fisikoak dira, ekipamendu horri argi eta garbi lotuta daude, eta ERABILTZAILEAK WEBGUNEAN egin duen nabigazioari eta erabilerari buruzko informazioa jasotzea eta berreskuratzea ahalbidetzen dute. Gehiago jakin

Onartzen dut
Antzerki Foruma
2015-07-08

“Antzerki forumak ukitu egiten zaitu; ez zaitu ez hotz ez bero utziko”

Duela sei hilabete abian jarri zenetik, Eta hik zer? Antzerki forumaren 16 ekitaldi egin dira eta 400etik gora pertsona izan dira saiootara hurreratu direnak (gutxienez 8 behar dira eta gehienez 40 saioko). Donostia 2016, Europako Kultur Hiriburuak eta Baketikek elkarlanean garatutako proiektuaren balorazioa izugarri positiboa da, eta behin baino gehiagotan, parte hartu duten pertsonek gero beren elkarteetan beste saio bat antolatzea erabaki dute.

antzerki forum2 

Eta hik zer? sei antzezlan labur dira, eta gatazkaren aureran gertuko iraganean izan diren jarrerak eta kontraesanak taularatzen ditu ikusleek horren gainean hausnartu dezaten. Zapalduaren antzerkiaren metolodogia bitarteko gisa erabiliz, hunkitzeko uneak eta hausnartzeko guneak eskaini dizkie ikustera gerturatu direnei. Horren guztiaren helburua da Euskal Herrian indarkeriaren ondorioak jasan dituztenekiko enpatiarako bideak irekitzea.

Aitziber Blancok, elkarrizketa-erraztaileak, 2016 gunean programatzen diren ekitaldietako batean hartu zuen parte, eta esperientzia aberasgarria izan zela nabarmentzen du, zalantzarik gabe. Bizikidetzaren gaia lantzeko zuzentzen dituen taldeei proposatuko die saio bana antolatzeko aukera. “Maila pertsonalean oso interesgarria iruditu zitzaidan, hitzetan jartzen ausartzen ez garen sentimenduez hitz egiteko aukera eskaintzen duelako. Oso egoera errealak planteatzen ditu eta egoera horietara gerturatzeko aukera ematen du, baina distantzia apur bat eskainiz. Ukitu egiten zaitu; ez zaitu ez hotz ez bero uzten. Badugu gai batzuen inguruan buruari zenbait buelta emateko beharra eta aukera paregabea da”.


“Komunikazio eza, egoera betikotzea”

Michaëla Cancela-Kieffer, France-Presse berri-agentziako erredaktore-burua, egoera politikoaren inguruko artikulu bat idazteko asmoz gerturatu zen Euskal Herrira. Eibarren geldiunetxoa egin zuen, besteak beste, Antzerki Forumaren saio bat ikusteko. “Asko gustatu zitzaidan antzezlana. Oso egoera errealak taularatzen dituela iruditzen zait. Ez da, inondik ere, interesik gabeko kontua, Euskal Herriko testuinguruari begiratuz gero”, kazetariaren irudiko.

Bere artikuluan aipamena egiten dio Antzerki Forumari. “Saioa ikusten ari nintzela azpimarragarria iruditu zitzaidan isiltasun-legearen moduko hori oraindik ere, gaur egun, oso present dagoen kontua izatea: hau da, hobe da isilik egotea arazoak ekiditeko. Azkenean jarrera hori kontraesankorra da, gauzak ez esateak, nork bere barruan gordetzeak, komunikazio ezak, egoerak betikotzea dakarrelako”.

Michaëlaren aldamenean eserita zegoen Marisabel Albizu, Aldatze ikastetxeko zuzendaria. Antzerkiari oso egokia deritzo bai espresio bide artistiko huts bezala hartuta, bai eta mezuen transmisiorako tresna gisa ere; bereziki aberasgarria egiten du hezkuntzaren alorrari dagokionean.


Uztailan bi saio 2016 Gunean

Uztailaren 22an eta 23an 2016 Gunean beste bi aukera izango ditu Antzerki Forumean parte hartu nahi duen orok, aldez aurretik izena emanda eta lekuak bete arte.

5823 iruzkin

Idatzi iruzkina

Zihurtatu beharrezkoa den informazioa (*) bete duzula. HTML kodea ez da baliogarria.